Balio erantsia

LH Dualak langile kualifikatuak euskaraz prestatzen ditu, eta hauek elebitasunean prestatzeak lantokien ekoizpen sarearen premietara egokituak izatea suposatuko du, enpresetako prozesuetan eta kulturan ikasiak.
Horrek lantokien lehiakortasuna areagotzen du. Programaren bidez, pertsonak ezagutzeko eta hezteko aukera du lantokiak, barneko erreleboak erraztuz.

Lantokientzako abantailak

Ezagutza

Programaren bidez, pertsonak ezagutzeko
eta hezteko aukera du enpresak.

Lantokientzako abantailak

Kualifikazioa

LH Dualak langile kualifikatuak prestatzen ditu, Euskal Herriko enpresen ekoizpen sarearen premietara egokituak, eta enpresetako prozesuetan eta kulturan ikasiak. Horrek enpresen lehiakortasuna
areagotzen du.

Lantokientzako abantailak

Erreleboa

Esperientzia honek enpresako belaunaldien erreleboa errazten du.

AUTODIAGNOSTIKORAKO GALDETEGIA LANTOKIENTZAT

Lau aldagai nagusik eragiten dute ikasleak lantokian zer hizkuntza erabiliko duen: instruktorea, harrera, hizkuntza paisaia eta lankideak. Lau aldagaiak kontutan hartuta, LP-Duala euskaraz lau mailatan kokatzen da. Nolakoa da zure lantokiaren egoera gaur egun?

Nola bilakatu naiteke euskara bermatzailea?

LH Duala euskaraz bermatuko duen lantoki bat izateko lau aldagai nagusi dira kontuan hartu behar ditugunak. 

1. Instruktorea:

Lantokiko Prestakuntzaren ardatz nagusia hau da: ikaslearen eta ikasle horri enpresan lana erakutsiko dion instruktorearen arteko harremana. Instruktorearen gaitasuna eta hizkuntza-jokabideak giltzarriak dira.

2. Harrera:

Harrera-unea da ikasleak enpresarekin izango duen lehen harreman ofiziala. Hasierako minutu horietan sumatuko du ikasleak enpresako giroa; besteak beste, zein hizkuntza-politika darabilen enpresak.

3. Hizkuntza-paisaia:

Leku berri batera iristen garenean, euskarak errotulazioan duen presentziaren arabera interpretatzen dugu zenbateraino egin dezakegun euskaraz. Errotulu handiek, informazio-guneek, apal, karpeta eta armairuetako errotulu txikiek... osatuko dute ikasleak ikusiko duen giroa. Era berean, lanerako garrantzitsuak diren hainbat elementu ere izango ditu ikasleak inguruan (laneko dokumentuak, aplikazio informatikoak, instrukzioak...); horiek euskaraz egotea lagungarria da euskaraz lan egiteko.

4. Lankideak:

Horiek ere hizkuntza-paisaiaren parte dira, ikasleak entzun egingo baitie beren artean hitz egiten dutenean. Kasu askotan, hori baino gehiago gertatuko da, ikasleari zuzenean mintzatuko zaizkion heinean. Garrantzitsua da harrera egitean langile euskaldunak euskaraz aurkeztea.

 

 

Infografia duala eus

EUSKARAZ ARI DIREN LANTOKIEN GEOMAPA

Gipuzkoan 2.700 lantokik baino gehiagok eskaintzen dute Lantokiko
Prestakuntza eta Duala euskaraz. Geomapa honetan lantoki hauen sailkapen geografikoa zein arlokakoa aurkituko duzu. Bota begirada bat!