Lanbide Heziketako Eraiken LHII, Gamarra Ostalaritza, Egibide eta Mendizabala LHII ikastetxeetan eman dira motibazio saioak

204 ikaslek parte hartu dute urtarrilean zehar izandako motibazio saioetan. Besteak beste, Ostalaritza eta turismoko, Instalatze  eta mantentze lanetako, Eraikuntza eta obra zibiletako, Informatika eta komunikazioko eta Jarduera fisikoak eta kiroletako lanbide-familietako ikasleek parte hartu dute, Ahize-AEKren eskutik eta Arabako Foru Aldundiak, Gasteizko Udalak eta Laneki elkarteak babestuta izan diren saioetan.

 

Euskarak lan munduan duen garrantziaz hausnartu da, besteak beste, eta euskara lan munduan etorkizunerako tresna baliagarria dela azpimarratu da.